lunes, 12 de diciembre de 2011
domingo, 11 de diciembre de 2011
DISLEXIA
Kasu honetan hoberena lirateke lehenbailehen detektatzea umeek helduaroan edo gizarte mailan arazorik ez izateko. Adituek esaten duten bezala dislexia egoteko asaldura neurologikoak egon behar dira. Ume batek idazteko edota irakurtzeko arazo larriak baldin badute dislexia daukadala esango dugu. Diagnostikoa lehenbailehen egin behar da laguntza lehenbailehen jasotzeko.
Bi dislexia mota daudela esan dezakegu; alde batetik, neurofisiologikoa non nerbio-sistema motelago heltzen den, eta bestetik, gatazka psikikoak, tentsio edo presio baten ondorioz.
Dislexia lateralizazio txarraren ondorioa izan daiteke. Lateralizazioa gorputzaren alde bat bestearen gainetik nagusitzen denean gertatzen da. 5 edo 6 urterekin finkatzen da. Dislexia daukaten umeek ez daukate lateralizazioa ondo definituta. Lateralizazioa psikomotrizitatean eragina izaten du, horregatik, ondo definituta ez badago umeek gaizki egingo dituzte esku-lanak.
Dislexia dituzten umeek ez daukate orekarik, oin baten gainean ipintzea ezinezkoa suertatzen zaie.Zailtasunak dituzte korrika egiteko, salto egitea, bizikletan ibiltzea, ... Beste aldetik, espazio arloan gora/behera edo aurrera/atzera kontzeptuetan akats handiak izaten dituzte. Eta horrek zailtasun handiak dakar irakurtzeko edo idazteko orduan.
Ume dislexikoen ezaugarrien artean honako hauek aurkitu ditzakegu: aditasun falta, nekea handia esfortsuen eraginagatik, ikasketetan interes gutxi, eskolako errendimendua eta emaitza pobreak eta moldatu ezina erreferentzia-punturik gabe sentitzen direlako.
Dislexia tratatzeko ume bakoitzak tratamendu pertsonalizatua izango du. Umeak terapiak egingo ditu; terapia horietan memorizatzeko trukuak ikasiko ditu, irudiak hitzekin elkartu, ... Emaitzak ez dira izango berehalakoak baina umeak pixkanaka-pixkanaka bere arazoa kontrolatzen ikasiko du pedagogoaren eta medikuaren laguntzarekin.
Azkenik, esan beharra dago dislexiaren diagnostiko goiztiarra eta prebentzioa oso garrantzitsua dela.
Adituek dislexia detektatzeko tresna hauek erabiltzen dituzte:
Dislexia detektatzeko testa
http://www.zientzia.net/artikuluak/dislexia-nola-detektatu/
Britainia Handiko Dislexiaren Elkarteak test hau proposatzen du dislexia detektatzeko. Galdera hauetako hiruzpalauri baiezko erantzuna emanez gero, posible da dislexia-mailaren bat edukitzea umeak. Beraz, eraman medikuarengana.8 urte egin aurretik
- Umeak oso nekez ikasi al zuen hitz egiten?
- Oraindik ere kosta egiten zaio irakurtzea edo idaztea, eta zuri, guraso gisa, kezkatzeko moduko atzerapena iruditzen zaizu?
- Irakurtzea edo idaztea eskatzen ez duten beste gai batzuetan, umea bizkorra eta adimentsua iruditzen zaizu?
- Letra edo zifra batzuk alderantzikatuta idazten ditu?
- Batuketak eta kenketak egiten ikasi zuenean, beste umeek baino denbora luzeagoan behar izan zuen hatzen laguntza edota paperean markak egitea?
- Eta, biderketen taulekin arazoak ditu?
- Zailtasunak ditu eskuina eta ezkerra bereizteko?
- Mugimenduak bere adineko umeenak baino baldarragoak dira?
- Idazterakoan, akats ortografiko larriak egiten ditu, letrak “janez” edota ordena desegokian jarriz (pasatu-ren ordez, sapatu idatziz, adibidez)?
- Irakurtzerakoan oker egin eta bera ez da horretaz konturatzen?
- Sarritan ez da gai irakurri berri duena ulertu eta azaltzeko?
- Arbelean edo beste paper batean idatzita dagoena kopiatzea kosta egiten zaio?
- Batzuetan, irakurtzerakoan hitzak jan edo salto egiten du, edo lerro bera bi aldiz irakurtzen du? Ez du atsegin besteen aurrean ahots ozenez irakurtzea?
- Biderketa-taulak gogoratzeko arazoak dauzka oraindik?
- Erraz desorientatzen da, eta eskuina eta ezkerra nahasten ditu?
- Bere buruarekin konfiantza gutxi duela iruditzen zaizu, eta gutxi estimatzen duela bere burua?
ARRETA GALDUA ETA HIPERAKTIBITATEA
Gaixotasun hau arazo neuropsikiatrikoa da, jatorri biologiko batek eragindakoa. Funtzio batearazleak eta ezagutzeko funtzioak eragozten ditu. Gaixotasun honek sintoma batzuk izaten ditu: arreta galdua, hiperaktibitatea eta oldarkotasuna.
Gaixotasun hau ondorio batzuk ditu; adimen eta emozio arazoak gizartean eta familian. Oso frekuentea da, %5ean kokatu daiteke. Kausa genetikoak nagusienak dira baina beste batzuk ere badaude; tabakismoa, mikrozefalia, ... (%20). AGHAren bilakaerako arazo nagusienak ikasketako porrota, alde batetik, eta portaeraren eta emozioen asaldura, bestetik.
Gaixotasun honen diagnostikoa klinikoa da, historia klinikoan oinarrituta. Gaixotasun hau agertzen denean familia eta umearekin hitz egin behar da. Horrez aparte, sentimenen behaketa egitea garrantzitsua da, batez ere entzumenarena. Horretaz aparte, balorapen neuropsikologiko eta psikopedagogikoa baliogarria da. Diagnostikoa medikuak edo espezialista batek egin behar du eta DSM-IV galderasortan datzan.
Gaixotasun honi aurre egiteko tratamendua farmakoetan oinarritzen da. Hori ez ezik beste bat ere badago; MTA.
Arreta galdua eta hiperaktibitatea daukaten umeek eskolan arazo handiak dituzte. Adibidez, arreta eskasa daukate, antolatzeko gaitasun eskasa eta oroimen gutxi. Hiru faktore hauek ezinbestekoak dira eskolako lanak burutzeko. Horregatik, gaixotasun honek pairatzen duten umeek zailtasun handiak izaten dituzte eskolan.
lunes, 28 de noviembre de 2011
EGIN BEHARREKOAK
- Ordutegi bat ezarri etxean egin behar diren lanekin.
- Emaiozu zure semeari ardura handia dituzten lanak, eta ez zeozer lanpetuta egoteko. Adb; mahaia jarri, oheak egin, ... Ez eman zentzu gabeko lanak, hau da, inork ez dituenak egiten.
- Agindu argiak eman. "Zure logela txukundu" esan beharrean froga ezazu esaten "jar ezazu arropa zikina bere lekuan", "ohea egin" eta "gorde itzazu liburuak apal horretan". Lana amaitutakoan ez egin berrikusterik, berak egin duen moduan utzi.
LO EGITEKO ORDUA
- Ohiturak ezarri. Gau guztietan aktibitate guztiak egin itzazu orden bat jarraituz, beti berdina izango dena. Adb; bokata jatea, bainu bat ematea, ipuin bat irakurtzea eta oheratzea. Horrela ohitura aztura batean bihurtuko da eta zure semeak sistematikoki egingo du.
- Zure semea erlaxaturik egon behar da oheratu baino lehen. Telebista eta bideo jokuak ez dira onak oheratu baino lehen. Hobe da musika lasaia entzutea edo ipuin bat irakurtzea.
- Malguak izan behar gara. Ordutegi finko bat edukitzea hoberena da baina egoera berezietan malguagoak izan behar gara. Adb; etxean bisita bat daukagunean beranduago oheratzen ustea.
EKINTZA DESAFIANTEAK
- Utz ezazu zure semea etxeko arauak proposatzen (beti ere posiblea bada). Zuk azkenengo hitza daukazu baina berak ideiak eman dezake.
- Erabaki ezazu zein bataila merezi den libratzea.
- Aginteari erronka onartzea (posiblea dena). Zure semea batzutan beligerantea izatea normala da baina horrek ez du esan nahi errespetua faltatu behar duenik. Bere desafioak kontroletik at badaude esaiozu eta neurriak hartu.
KEXAK ETA ESKAERAK
- Ez eman amorerik: zure seme-alaba sistematikoki kexatzen bada konturatuko da funtzionatzen duen teknika dela. Nahi duena lortzen badu negar egin ostean beti erabiliko du estrategia hori.
- Argi adierazi espero duzuna: ezin baduzu parkean egon dituzun zereginengatik esaiozu zure semeari. " Gaur bakarrik supermerkatura joango gara baina bihar parkera joan gaitezke".
- Ez ikusiarena egin: hoberena eskaerekin eta negarrekin ez ikusiarena egitea da, arreta jartzen badiozu berriro egitera animatuko diozu.
IHARDESPENAK
Ihardespenei aurre egiteko hurrengo aholku hauek jarraitu:
- Lehendabizi esaiozu egiten ari duena txarto dagoela.
- Txarto dagoela egiten ari duena esan eta gero ez egin kasurik hitz egiteko tonua aldatu arte. Jarrerak ez badu aldatzen bere logelara bidali egin duena pentsatzeko.
- Barkamena eskatzeko aukera emaiozu. Lasaiago dagoenean berarekin hitz egin nola portatu behar den azaltzeko. Damututa badago barkamena eskatuko du.
domingo, 27 de noviembre de 2011
JATEKO ARAZOAK
1. Inguru egokia sortu: jateko ordua atsegina eta beharrezkoa izan behar da umearentzat. Ekiditu behar dugu umeak jateko ordua zigorrekin erlazionatzea.
2. Umearen autonomia sustatu: mahaia jartzera motibatu, bera bakarrik janaria zerbitzatu eta elikadura gustuak edukitzea autonomiaz.
3. Janariaren kantitatea: zure umeari eman behar duen janari kantitatea (bere adinaren arabera) plater handi batean. Horrela, bere platerran janari kantitate gutxi dagoela irudituko zaio.
4. Familiarekin jatera irakatsi: ahal den heinean familiarekin jan ezazu. Horrela jateko ohitura horrek bereganatuko du familiaren eredua jarraituz.
5. Elikadura orekaduna sustatu: berak ezin du bere elikadura aukeratu, denetarik jan behar du bere ahosabaia zapore guztietara ohitzeko.
6. Atsegin dituzten gauzak eta gozotasunak ekiditu: jateko orduak leku berezi bat, denbora eta bukaera zehatz bat dauka.
7. Behar duena soilik emaiozu: ume batek ezin du heldu batek jaten duen kantitate berdina jan. Horregatik utzi behar diozu jaten berak behar duena osasuntsua hazteko.
ARAZOAK ETXEKO LANEKIN
- Ohiturak ezarri. Adibidez; parkean baloiarekin jolastea beti etxerako lanak egin baino lehen. Ohitura honek ez du balio ume guztientzat, guraso bakoitza bilatu beharko du bere seme-alabarentzako aproposena dena. Ohiturak ariketa fisikoarekin erlazionatutak egon behar dira ( hau hutsaldi on bat da).
- Sistematikoa izatea. Leku lasai bat bilatu lan egiteko ( sukaldeko mahaia, logela, ...) eta egun guztietan erabiltzea eskaiozu.
- Ez eman laguntza askorik. Laguntza eskatzen badizu lagundu ezazu baina bakarrik azalpen txiki bat emanez. Bera da etxeko lanak egin behar dituena eta ez zu. Beti bazaude beraren atzetik laguntza ematen ohitura txarra hartuko du eta ez du bera bakarrik egingo inoiz.
ANAI ARREBEN ARTEKO LISKARRAK
- Ez hartu kontutan seme-alaben liskarrak, soilik ezbaidatzen ari badira ez sartu haien borrokan.
- Ostera, kontrola galtzen badute esku hartu behar izango dugu.
- Eztabaidan ez jarri inoren alde ez badakizu zihur zer gertatu den.
- Bakoitza bere logelara joan dezala gertatu dena lasaitu arte.
- Lasaiago daudenean haiekin hitz egin gertatutakoaz.
martes, 8 de noviembre de 2011
GUNE INTERESGARRIAK
http://www.mipediatra.com/enlaces/conductuales.htm
http://www.guiainfantil.com/salud/autoestima/problemas.htm
http://www.familymanagement.com/facts/spanish/apuntes16.html
http://www.aacap.org/cs/root/facts_for_families/informacion_para_la_familia/ninos_con_problemas_al_dormir_no_34
http://www.lukor.com/hogarysalud/05040201.htm
http://www.educar.org/articulos/aprendizaje.asp
http://rosioib1986.blogspot.com/2008/07/existen-los-alumnos-problemas.html
http://www.videoseducativos.es/ficha.php?id_prod=485&id=&idcat=57
http://www.todoeducativo.com/index.php?option=com_content&task=view&id=18&Itemid=57
http://psicopedagogia.ucoz.es/index/videos_de_dificultades_de_aprendizaje/0-31
NIRE BLOG-a
Zure umeak zer behar duen edo nola lagundu ahal diozun azaltzen du. Horretarako kasu bereziak aztertuko ditugu eta horiei konponbideak ematen saiatuko gara.
martes, 18 de octubre de 2011
AURKEZPENA
Ileapaindegia eta marketing ikasi nuen magisteritza egin baino lehen.
Asko gustatzen zait igeri egitea, tenisean jolastea eta nire lagunekin egotea.
Suscribirse a:
Entradas (Atom)